تكون بشرتك جميله اكيد هذا هدف كل بنت و الخبر السار ان ما تحتاجين مكياج دايم عشان تكوني جميله
بهذي الطرق السهله تقدري تحققي هدفك
اولا : اشربي مويه .
طبعا اهم حاجه هي شرب الماء كل يوم واشربي اكبر كميه تقدري عليها , بغض النظر عن الموسم , لان كوب من الماء يكون وسيله اكثر فائده من منتج ماكياج اشتريتيه عشان تستفيدين منه .
ثانيا : الترطيب
خلي شي اساسي في يومك انك ترطبين بشرتك قبل النوم , الترطيب مره مهم وكمان يقلل التجاعيد .
تأكدي من ترطيب وجهك ورقبتك , ويدك وقدمك اعزكم الله
لان هذي المناطق اللي تظهر اولى علامات الشيخوخه
ثالثا : غسول الوجه
استخدمي غسول الوجه يوميا لإزالة كل الأوساخ و التلوث الناجم عن وجهك و أي آثار لبقايا منتجات الماكياج كمان .غسلي وجهك يوميا ، ويفضل أن يكون مرة واحدة في الصباح ومرة قبل الذهاب إلى السرير، وبتساعد على فتح المسامات و يعطي بشرتك شعور فريش.
رابعا : التونر
خلي التونر شي اساسي في نظام العنايه اليويه لبشرتك , وفيه كثير من البنات وانا معاكم تتكاسل انها تستخدم تونر كل يوم وهذي مشكله , لان التونر يساعد على شد البشره وكويس للمسام ويزيل اثار الزيوت .
خامسا : غسل الشعر بالشامبو .
غسلي شعرك مره كل ثلاثه ايام عشان تتأكدي ان شعرك نظيف وفريش , بالذات الشعر الدهني يكون منظره قذر فلاززم تغسلي شعرك مره كل 3 يام .
سادسا : واقي الشمس
كلنا نعرف فوائد استخدام واقي الشمس , ومعظم البنات ما يهتمون بهالناحيه ,خصوصا اذا كنتي مستعجله او تقولي الشمس مو قويه وهنا تكمن الكارثه .
لان الشمس يسبب الضرر لبشرتك بشكل كبير , اذا كنتي تبغي بشرتك يكون مظهرها صحي وحلو لازم تستخدمي واقي الشمس يوميا ومافي بديل له :).
سابعا : مويه حاره مع ليمون !
كلنا نحب نشرب فنجان شاي او قهوه فالصباح صح ؟ ليش ماتبدلي فنجان الشاي او القهوه بكوب مويه حاره وشريحة ليمون ؟ بتقولي ايش الفايده
فايدتها انو تطرد السموم ويقلل من حساسية الجلد , وهذا بيساعدك انو حيخلي جسمك رطب ومتوهج .
ثامنا : التقشير
انتظمي ع التقشير عشان تظمني انك ازلتي الجلد الميت عشان تصير بشرتك نظيفه ومتوهجه طبعا تقشرين من مرتين لثلاثه مرات بالاسبوع .
وهذي نصائح اضافيه :
لا تاكلين اظافرك
لاتشترين الملابس اللي ما تناسب جسمك حتى لو عجبتك
فرشي اسنانك مرتين باليوم
نامي لوقت كافي ولا تهلكي نفسك
لا تكثري في شرب القهوه والشاي
ازيلي الرؤوس السوداء
تجنبي الوجبات السريعه وكلي اكل صحي
قصي اطراف شعرك كل 3 اشهر
وبكذا اكون خلصت وان شاء الله عجبتكم التدوينه
لا تنسوني من دعائكم
وترا ذي المعلومات اخذها من الاجانب وانا مجربتها واتوقع الكل يعرفها يعني مو شي غريب
اي استفسار راسلوني على الانستا @ iighi
نت
